14 мая навучэнцы пазнаёміліся з гісторыяй рамёстваў мястэчка Мір.
Гэтае займальнае падарожжа ў часе стала магчымым дзякуючы супрацоўнікам Мірскага Дома культуры і Мірскай дзіцячай школы мастацтваў..
"Да вытокаў душой дакрануўшыся..." Так гучала назва інфармацыйна-пазнавальнага тэатралізаванага прадстаўлення, дзе ўдзельнікамі былі ўсе: і гледачы, і акцёры. А самымі галоўнымі "героямі дня" сталі сапраўдныя стогадовыя вышыўкі, выцінанкі, вышываныя ды тканыя дзяругі і покрывы, керамічныя гладышы і збаны, якія можна было патрымаць у руках і палюбавацца такімі жывымі і цёплымі фарбамі, а заадно даведацца і аб гісторыі развіцця рамёстваў у нашым старадаўнім мястэчку.
